Shillong: U nongialam jong ka liang pyrshah ha ka ïingdorbar thawaiñ jong ka jylla,u Dr Mukul Sangma, u la lyngngoh ban tip ba ka jylla Meghalaya, ha ka jingsynshar jong ka sorkar MDA, ba lamkhmat da ka NPP, ka ioh ia ka khusnam kum ka jylla ba pyntrei kam bha ia ka skim sam um, lyngba ka Jal Jeevan Mission (JJM).
Haba kynthoh halor kane ka bynta, u nongialam jong ka liang pyrshah u la ong, ba kumno ki ioh ia kane ka khusnam, imat ka sorkar Meghalaya Democratic Alliance, ha ka jingialam jong ka National People’s Party, ki long kiba shemphang bha ban thok ban shukor, kumta ki la sdang ban thok ia ka sorkar India, ba la lamkhmat da ka BJP, man ki por shwa ka elekshon, ka sorkar MDA ka thok ka shukor ia ki paidbah tang kumno ban ioh jingmyntoi ha ka saiñ hima sima.
Haba pynrem shuh ia ka jingdkoh treikam jong ka sorkar, lyngba ka Integrated basin development livelihood programme (IBDLPP) ban pynroi bad pynkiew ia ka ioh kam ioh jam ha ki thaiñ nongkyndong, u Sangma u la ong, ba ka sorkar MDA ka pyrshang katba lah la ka buit la ka bor ban pyrshang ban pyndonkam noh ia kane ka prokram tang ban ioh jingmyntoi, namar ka la don ka jingbymiaid beit ki kam ki jam, katkum ka jinglap bad iohi ha ki khubor.
kane ka sorkar Npp ka la thok wat ia ki pli ki nonghikai, ki nongshongshnong ka meghalaya ,,ngim pat iohi ia kata ka scheme um JJM hangno kata ka um ka don..