Shillong:Ka seng Hynniewtrep Youth Council (HYC) jongka Mawlai Circle mynhynnin ka sngi nyngkong, ka la leit ban jurip bad peit hi da la ki khmat ia ka surok ha shilynter jongka shnong Mawlai baroh kawei kaba la pei bad sniew lut ki pipe um bad ka jingthliew jongka surok. Ha kane ka sngi la ia don ryngkat lang ki engineer ka tnad PWD bad PHE ban ialeit jurip lang.
Ha ka jingia kren bad ki lad pathai khubor, u bah Donbok ula ong ba ka daw kaba pynlong ia ki, ba kin wan ban jngoh, ka long hadien ba ki paitbah nongshong shnong jongka Mawlai baroh kawei ki la pynsngew ba ki la shem jingeh shibun, namar ka jingslem ban siang rong ia ka surok bad thep ia ki nar um.
Ula ong ruh ba ha ka por lyiur, ka don ka jingsyntuid bad ktieh haduh ba bun ki ar shaka ki la mynsaw bad ki kali ki la ngam hapoh ktieh bad ha kane ka aiom tlang, ba mynta ki paitbah ki la mad sa ia ka pum pum kaba mih na kane ka surok, ula bynrap.
Man ka por ki nongshong shnong jongka Mawlai, ki la wan ban ujor, na kiba bun ki shnong kiba ju leit bad wan da ka kjat la ka long ruh kiba leit da ka kali. Kumba long ba ka PWD ha ki khyndiat por ka la ong ba la dep mang ia kane ka surok long round road Mawlai kaba sdang naduh Mawlai Petrol pump haduh ban da poi ha iing mane jongka balang Presbyterian Mawroh bad ladep ban mang pisa, ban leh da ka PMBC; hynrei kaei kaba mih ha katei ka jingiakren ka long ba na ka liang jongka PWD kam shym la pynkohnguh ia ka PHE ba kan maramot shwa ia ki nar um, namar don napdeng jong kine ki nar, kiba la jot rathai ruh.
Na ka liang ka HYC, ka la kyrpad ba kin sngewbha ban maramot noh kham kloi ia kane ka surok khnang ba kin iohi ba kane ka surok bad ki nar rot kiba la paw bad mih sha jrong kim dei ban don lane ka jingtap bad siang noh da ka rong na jrong ka surok.
Ki MLA MDC Mawlai bad ka synshar shnong ka lah fail ban buh pressure ia kane ka issue..lah dei ban bujli Nongmihkhmat ne bha ba shu Piet kai