Halor ka jingtah jingpein, ther ka heh TMC, ia U bah Prestone

Shillong:Ka kong Elgiva Gweneth Rynjah ka la pynrem jur ia ka jing kren bym burom jong u symbud myntri Rangbah jongka jylla, u bah Prestone Tynsong.

Haba ong ba ka jingkren jong u Bah Prestone,”Ba ka parti NPP, kan pyntikna ba ki jingtah, jingpeiñ kin don khnang ba ki paid bah jong ka Maw kynrew kin kham phuh bad bhabriew” ka kong Elgiva ka la ong, ka long kaba sngewsih ban iohi, ba kat u symbud myntri Rangbah jongka jyl la, u briew ba la rang bah bha kum u nongmihkhmat paidbah ha ka jylla, u kren kum ia kitei ki kyntien bad kane ka pyni shai ia ka jingduna bad bym nang kren.

Haba kynthoh shuh shuh iaka jingbymler bad phlop Jong ka Sorkar MDA ba la ialam da ka NPP, ka la ong ba sawsnem shiteng ki la synshar bad kim pat leh eiei ruh em”Kane ka pyni shai ba ki myntri sorkar ne ka Sorkar kam don jingkitkhlieh ban ai kam ai jam, ban ai jingsumar ba paka bad ka pule puthi ba biang, hynrei ngi iohi pynban ia ki nonghikai ba shong iakhih dang ha ki bnai ba dang shu dep,wat la katta ka Sorkar ka kwah ban ai jingtah jingpeiñ kum ki lipstik bad kiwei ki jing pynbhabriew.

Haba pyntikna ban weng bad pynjah syndon ia ka jingsynshar bamsap, ka Meghalaya TMC jong ka north Shillong Constituency lyngba ka president ka la ong “Ki paidbah ka jylla kin sa ai jubab kaba biang ia kiei kiei ba ki mad ha kane ka sorkar, namar ki paidbah ha ka jylla ki dei ki ba stad bad shalak, kin leh ruh ia kaba donkam tam ha ka elekshon ban wan da kaba behnoh ne pynrem ia ka sorkar ba ialam da ka NPP”.