Thmu leit thang ki runar ia ka Weigh Bridge ha Umling, lait thaw ba lap kloi noh ki nongtrei

Nongpoh: Ka kynhun ki runar kiba ym lah ban ithuh dur khmat, ki la leit ban tung ha kawei ka kam kaba don ha Weigh Bridge ne ka khyrdop khrong khajna ka sorkar kaba don ha Umling bad kaba ki la rung hapoh ka kamra, ki thmu ban wiang ding da kaba synreit da ka petrol ia katei ka kamram.

Katei ka jingjia ba thmu basniew da kitei ki runar, la ong ba ka la jia hynne ka shiteng miet ha ka por 1:30 baje ei ei mynstep, hynrei katei ka jingthmu jong ki, ka la pulom noh, namar ba la don ki nongtrei kiba la iohi ba katei ka kamra ka la jan kem ding bad kiba la leit ban pynlip noh ia ka ding.

U Giri Prasad, Superintendent of Police ka Ri Bhoi, u Giri Prasad, u la ong ba ki pulit tang mar ia ioh jingtip ki la hiar mar mar sha katei ka jaka bad kiba la pynlong ruh ia ka jingtohkit, khnang ban lap ksai ia kiba donkti, hynrei haduh mynta ym pat lapksai ia kiba donkti ha katei ka kam. Haba iadei bad katei ka jingjia, u Giri Prasad, u la ong ba ki pulit ki la dep ban register case bad ka jingtohkit ban lap ia kiba donkti ha katei ka kam kan dang iaid shakhmat.