Yn pyllait noh shen ia ka baibam ki samla pule, ong U MR

Shillong:U myntri rangbah ka jylla u Conrad Sangma, mynhynnin ka sngi ula ong ba un sa wad bniah na ka tnad pule halor ka jingslem ban pyllait ia ka baibam (Scholarship) jongki khynnah skul.

U Conrad ula pynpaw ruh ba ka sorkar ka sngewthuh ia ka jingsngewkhia jong ki khynnah ne samla pule lane ki kmie ki kpa, ha kaba iadei bad ka jingslem ban pyllait iaka scholarship. Ka sorkar kan ialeh katba lah ban pyllait noh kham kloi ia ka scholarship ha kane ka taiew ka ban wan, ula ong.

“Ngam don jingtip kaba khambniah, hynrei ki ophisar ki la ong shen bad ki la pyntip ba ha ki khyndiat sngi ne khyndiat taiew yn sa sdang noh ia ka jingpyllait ia ka scholarship jong ki khynnah pule” ong u Conrad.

Shuh shuh u Conrad Sangma ruh u la ong ba ka sorkar ka dang pynkhreh ia ki jingdonkam ha kaba iadei bad ka jingsdang pyllait noh ia ka scholarship jong ki khynnah pule hapoh ka jylla.