Kylla ka trok ha lad Lummawbah, shah ban salit ka trok shipai

Shillong:Mynhynnin ka janmiet ka sngi ba ar, ha ka por kumba 5 baje eiei, kawei ka Truck Ashok Leyland, kaba don ia u number NL 01 AB 1088, kaba dang kit maw ban hiar sha Shillong, ka la kylla da lyndang bad thiah lyngktar ha katei ka juh ka jaka ha lad Lummawbah.

Donbok ba khlem don ba mynsaw bad khlem don kano kano ka kali kaba shah ban ban ha kitei ki maw heh, hynrei kawei ka kali shipai kaba dei ka truck kaba kiew kaba la iaid myrsyndah, ka la lait salit bad ka shu shah ngat ha tdong ha ka jing ban katei ka truck kit maw.

Kumta tang da ki khyndiat minit ki bor pulit bad ha ryngkat ki 4 tylli ki kali khwai ki la wan ban pyrshang ban pynieng moh ïa kane ka Truck, namar ha kane ka jingjia kala wanrah ka ka jingdheng kali kaba shyrkhei kaba la sahkut sbak khlem ioh shuh ban iaid.