Shillong:Ka seng Samla Seng Khasi Riwar Mihngi lyngba ka Press Release ka la pynbna ba kan pyn long ia ka Lympung jong ka Seng Khasi Riwar Mihngi ha kaba kan don ruh ka jingsam khusnam, ka Maham Singh Educational award 2022 ha ka 11 tarik u Nohprah, sha kito ki samla pule ka thain riwar mihngi kiba dang bat bad ksoh ha ka niam Tynrai, ha ka jingpas bha ha ki examin bapher bapher jong u snem 2022, ia kiba la pyniaid da ka MBOSE, NEHU, CBSE bad kiwei kiwei de kiba ia ryngkat kyrdan.
Ha katei ka sngi ka seng kan sam ia ki khusnam sha ki khynnah kiba la lah ban ioh 70% ha ka jingleh examin SSLC ha ryngkat bad ka distinction, 70% sha kito kiba ialeh ia ka HSSLC ha ryngkat bad ka distinction, ki Graduate Level kiba ioh 1st Class, ki Post Graduate Level kiba ioh 1st Class, bad kiwei kiwei de kiba ia ryngkat kyrdan, kumjuh ruh ia kiba la leh ia ki kam ki jam bapher bapher kiba la wanrah ia ka nam ka burom ia ka thain Riwar.
Ka Seng ka kyrpad sha kito ki samla kiba lah ioh ia kitei ki kyrdan haneng ba kin sngewbha ban phah ia ki Xerox copy jong ka Marksheet bad Scheduled Tribe lem bad kawei ka dur passport size, da kaba thoh shai ruh ia ka kyrteng jong ka kmie, u kpa bad ka shnong. Ka tarik ban pynpoi ia kitei ki kot ki sla ka long ha lane shuwa ka 21 tarik Naiwieng 2022, bad ka jaka ban pynpoi ka long ha Assorphi Institute of Technology, Urksew – Wahpathaw (Ph No. 6009561140), lane lah ruh ban pynpoi ha office jong i kong Delina Khongdup kaba ha Stand Mawja, Pynursla (Ph No. 8974574099). Ia ki jingtip ba kham bniah lah ruh ban phone ia kine ki Number – 8131964688 / 6009202900 / 9366859366.
Phi don ban ong eiei?