Ka BJP, ka dei ban ioh bynta kham bun ha ka sorkar, ong U Rijiju

Shillong:U myntri ka sorkar pdeng ba dei peit ia ka Law bad justice, u la ong myn ha ka Sngi saitjain ba ka sorkar MDA ba ialam ka NPP, ki la leh kaba bha tam, tangba ka BJP, ka dei ban ioh lem kham bun ka bynta, na bynta ban wanrah ia ka roi ka par haka jylla.

“Namar ba shibun ki kam kiba leh da ka BJP, kin ai kham bun ka roi ka par bad ka jingmyntoi ia u paidbah ka jylla”.
U myntri u la iathuh, ba ha ka jingiohi hi jong u, ha ki katto katne ki jylla, ba ka seng BJP, ka don ha ka bor ne ka don bynta ha ka sorkar, u iohi ba ka jingioh nong jong u paidbah hi ka bun bha, namar ka BJP kam don da kiwei pat ki mat ban trei na bynta u paidbah, hynrei ki kam ba ka BKP, ka trei kam dei na bynta ka jingmyntoi jong ki shimet, hynrei ki trei beit na bynta u paidbah” la ong une u heh BJP.

Haba kren ia ka jinglong jingman ha Meghalaya, u la ong ba ka BJP, ka dei ban ioh kham bun ki MLA, wat la ka sorkar MDA, ka leh bha, hynrei kiei kiei kiba kham bha shuh kin wan, lada ka BJP, hi ka kham ioh shibun ka bor ha ka sorkar”.

Haba kren ia ka jingpynslem ban pyntreikam ia ka ILP ha ka jylla u myntri um shym la kren shai, hynrei u ong ba ka BJP, ka donkam kham bun ki MLA ha ka jylla khnang ban lah ban pynsngew ia ki mat ki jura ba iadei bad ki paidbah jong ka jylla.