Siew T.5lak, ka bai lutksan, dawa ka seng ki nongtem na Pynter na U Sordar Shabong

Shillong:Ka kynhun tem Na Rynsan Ki Sur Tynrai Pynter Cultural, kaba dei ka kynhun tem bad rwai kaba la ithuh da ka bor shnong naduh u snem 2014 ha shnong Tngonphlang Madan Lyntang bad kane ka seng, ka la ioh ban ia shim bynta ha kiba bun ki cultural programme, wat haduh shabar jylla.

Kane ka kynhun, ka la ioh ban leit ia shimbynta ha kawei na ki programme ba heh tam ha India kaba la long ha Allahabad Prayagraj Uttar Pradesh ha ka 15 tarik Kyllalyngkot haduh ka 4tarik Lber 2019.
Katei ka seng, ka la thmu ban pynlong ia ka jingshad bad tem tynrai ha ka jaka jong u president ha Tngonphlang Madan Lyntad, hynrei u Sordar jongka Raid Shabong, ula ujor da ka shithi ha ka 19 tarik Risaw 2022 ban pynsangeh noh ia ka Fete, ha ka 22-23 tarik mynta u bnai.

Ha ka jingiakren bad ki lad pathai khubor, na ka liang jong u bah Nikelson Khongmawloh ha kajuh ka por kum u President Sur Tynrai Pynter Cultural, ula ong ba u sordar ka Raid Shabong, u bah Biggestson Lyngdoh, ula pynsangeh noh ia kane ka jingthmu jong kane ka kynhun ban pynlong ia kane ka jingiakop shad bad rwai ha ka 22-23 tarik jong mynta u bnai.

Ha ka 22 tarik sngi saitjaiñ, U President bah Nikelson Khongmawloh, ula ong bad dawa ia u sordar ka raid Shabong bad ki kynhun kiba don bynta ban pynsangeh ia kane ka jingiakop ba ki dei ban siew ia ka bai lut ksan nalor ba kane ka kynhun ka la pynlut haduh kumba 5 lak duna, wat haba kane ka kynhun, ka la ioh ruh iaka jingai jingbit na ka ophis jongka Pynursla sub division.