Pyllait U MR ia ka khana Samari 2011 ka jylla

Shillong,17 Jymmang:
U Myntri Rangbahka jylla u Dr.Mukul Sangma mynta ka sngi u la pyllait ia ka Khana Samari ka jylla ka Primary Census Abstract-Data Highlights of Census- 2011 ha kamra shong jingialang jong ka Meghalaya Secretariat, Shillong ha ryngkat ka jingiadonlang u Chief Secretary ka jylla u Bah WMS Pariat Principal Secretary, GAD, Mr. P W Ingty, Joint Director, Census Operations, Meghalaya, Mr. D Roy bad kiwei pa ki ophisar rangbah ka sorkar .
Haba kren ha katei ka sngi u Dr.Mukul u la ai jingiaroh ia ka jingtrei shitom jong ka kynhun ki nongthoh khana samari kiba la lum jingtip ia ka jylla hi baroh kawei. U la ong ruh ba nangne lah ban shim kum ka lynti ba ka sorkar kan nanglah ban saindur na ka bynta ka jingbit jingbiang ka jylla bad ka roi ka par jong ka, u Mukul u la ong ruh ba na kane ka khana samari ka sorkar kan nangioh buit ioh bor ban nang trei khambha na ka bynta ka roi ka par ha ka jylla.