Ioh iing kawei ka longiing baduk ha Patharkhmah, ba pynshna sngewbha ka Synjuk ki Rangbah Katholik

Nongpoh: Kawei ka longiing baduk hapoh ka shnong Nongkhrah ha Ri Bhoi, ka la ioh da kawei ka iing kaba paka bad kata ka dei hadien ba la pynshna sngewbha da ka Synjuk ki Rangbah Katholik Zone-VI, Shillong Archdiocese.

Ha katei ka sngi, kaba ka Synjuk ki Rangbah Katholik ka la aiti ia katei ka iing, ka dei ruh ka sngi kaba ki la don ia ka jingiakynduhlang ne (VII Annual Mett) ba ar sngi jong ki Rangbah ka Balang Katholik, ia kaba ki la pynlong ha skul St. Mary’s Secondary School, kaba don ha shnong Nongkhrah.

Haba aiti ia katei ka iing sha kitei ki briew, la sakhi da ka jingdon u Bah Sosthenes Sohtun, MLA ka Jirang Constituency, u Bah Victor Rani, MDC ka Jirang, u Fr. Peter Syiemlieh, Spiritual Director ka Synjuk lem bad kiwei.