Ka jingiaid lynti, kum u khynnah, ka dei ka kot thymmai

Shillong: Ia ka kot kaba la ai kyrteng ‘The bleeding of an Underdog’ la pyllait ha ka 17 tarik u Risaw 2022 da u Myntri ka sorkar jylla u bah Kyrmen Shylla ha ka jingialang kaba la long ha St.Anthony’s College Entension Byndihati ha ka sngi ba u la wan ban plie ia ka Don Bosco Annual Tournament 2022. Kane ka dei ka kot kaba la thoh da u Babu Sevendar Dkhar , ka dei ka Autobiography lane ka jingthoh kaba u la pynlang thup shaphang ka jingiaid lynti jong u ha ka jingim.

U Babu Sevendar Dkhar u dei u Head of Department jong ka Department of Commerce St Anthony’s College Extension, Byndihati bad uba dang pynkhreh ia ka PhD na Dr.Babasaheb Ambedkar Marathwada University, Aurungabad, Maharashtra. U dei ruh u dkhot jong ka Khasi Author’s Society. Kane ka dei ka kot kaba u la thoh shaphang ka jingiaid lynti jong u lyngba ki rai eh rai dam kum u khynnah, kum u samla pule , kum u samla wad kam bad ki khep kiba um ju lah ban klet ha ka jingim jong u.

U Babu Sevendar u la thoh ia kane ka kot ha ka por Lock Down bad shuwa ia kane u la lah ban pyllait paidbah ia ka thup nyngkong jong ka poitri kaba u la ai kyrteng ‘Na tduh I dohnud’ bad mynta u la pynkhreh ban pyllait sa ia ka thup kaba -ar. Ia ka kot ‘the Bleeding of an Under Dog’ lah ban thied online na ka Amazon.com, ka Bluerose.com bad na Flipkart.com. Ha kane ka sngi ba la pyllait paidbah la sakhi lang ruh da u Principal jong ka St.Anthony’s College Extension Byndihati u Fr.George Shining Lyngkhoi, ki phadar , ki sistar bad kiwei pat kiba la shah khot sngewbha.