Shillong: Hadien ba u la shongthait noh kum u General Secretary barim jong ka Khasi Students Union, u bah Auguster Jyrwa u la rung sha ka jylli jong ka sainpyrthei ban ia khun ia ka elekshon MDC 2019. Ha katei ka por u la ia khun kum u kyrtong jong ka seng Congress na Jaiaw konstitwensi hynrei u la shah rem ha u kyrtong jong ka UDP u bah Paul Lyngdoh.
U bah Augester u la bat kum Adhoc President jong ka West Shillong Congress Committee bad u la bat ruh kum u Secretary jong ka Shillong City Congress Committee hynrie mynta ki tyllong khubor ki la iathuh ba shen un sa pyniasoh noh ialade bad ka seng United Democratic Party.
Ki tyllong khubor kiba tikna ki la iathuh ba u bah Auguster Jyrwa un pyniasoh ha ka 20 tarik u Risaw 2022 bad yn pdiang burom ia u da UDP Shillong City lyngba ki Cirlce jong ka North bad West Shillong konstitwensi ha ka jingialang ka ban sa long ha Dinam Hall, Jaiaw. Ha kane ka kynti kaba mynta u bah Auguster Jyrwa un ia treilang noh bad u bah Paul Lyngdoh ha West Shillong konstitwensi kumjuh ruh bad u Dr.Aman War ha North Shillong konstitwensi.
Phi don ban ong eiei?