Shillong: Ha ka jingiakynduh bad ka Smt. Agatha K. Sangma, Hon’ble Member of Parliament (Lok Sabha) u Bah John F Kharshiing, Co-Chairman, State Level Public Grievances Committee, Chairman, The Grand Council of Chiefs of Meghalaya, & Adviser & Spokesperson, Federation of Khasi States, u la ai ka dorkhas (memorandum) ha ka 15 tarik October 2022 ha Delhi, halor ka jingdonkam kyrkieh ban pynbeit thymmai ia ka Article 338 and 338A jong ka Constitution ka Ri India bad halor ka jingdonkam ban pyntreikam ia ki dulir ia teh (treaty agreements under the Instrument of Accession of 17 August 1948)
La suh lang ha katei ka dorkhast ia ki shithi kiba ka GCCM bad ka FKS ki la phah na ka por sha ka por sha Delhi bad ki jubap kiba la phah na ka Sorkar India khamtam ka jingbthah na ka National Commission for Schedule Tribes ha ka April 26, 2012 ia kaba ka Sorkar India hasuh kine ki sngi kim pat pyndep ban bsuh ia ki jingiTeh hapoh ka Article kaba kyrpang hapoh ka Constitution of India.
Ha ka tei ka jingiakren u Adviser & Spokesperson, Federation of Khasi States, u la ong ba ha ka jingshongshit ba ioh jinglaitluid ka Ri India ka la kum klet ia kine ki jingiateh.
Ka Instrument of Accession bad ka Annexed Agreement, la soi bad pdiang da hapdeng u Governor General of India Shri. C Rajagopalachari bad ka Federation of Khasi States ha ka 17th August 1948 (IOA & AA). Ia kitei ki hok ki khlieh nongsynshar kinla iai buddien na ka por sha ka por da ki Syiem, Lyngdoh, Sirdar, Wahadar, Dolloi, bad ki Nokma naduh 1947-1948.
U a pynsngew ba ha kawei ka liang katba ka Panchayati Raj ka synshar shnong sha ri thor ka don jaka kyrpang hapoh ka Article Constitution of India, hangne ha Meghalaya pat ki jingsynshar tynrai kim paw ha kaba shai hapoh ka Constitution Ri India. U la suh lang ia ka dorkhast kaba la ai ha u Myntri ka tnad jylla Meghalaya Home Minister, ha ka 18tarik May 2018.
U Chairman, Ka Grand Council of Chiefs of Meghalaya, u la kyrpad jur ia ka Hon’ble Member of Parliament, Lok Sabha ban pule bniah ia ki jingiateh ki jingkular kiba la ia teh ka Sorkar India bad ki Hima hapoh ka synjuk ka Federation of Khasi States bad ban kyntu ia ka Union Ministry of Home Affairs, Govt of India, kiba tip bha ia kane ka phang ban wan shakhmat ban pyntrei kam ia ki jingkular khamtam ka jingbthah jong ka kaba 26 April 2012, na ka National Commission for Schedule Tribes, Government of India, katkum ki kyndon (agreements) kiba la pruid dak ha ka Annexed Agreement jong ka Instrument of Accession kaba 17 tarik August 1948, khnang ban wanrah ka jingshai ha kaba pynjari ia ki Ain Ri India kiba long kiba ia tyngkhuh bad ka synshar khadar tynrai hapoh jylla Meghalaya. Ki Khasi States ki don ka hok katkum ka IOA & AA ban ioh ka kyrdan kaba kyrpang hapoh ka Article 370 A hapoh ka Constitution Ri India.
U Adviser & Spokesperson Federation of Khasi States u la ai ha MP ia ki kot ki sla kiba ia dei bad ka IOA & AA kaba pynpaw shai ba kane ka kam ka sah teng ban pyndep na ka Union Ministry of Home Affairs, Government of India, ha kaba ka dei ban pynieng biang ia ka Assembly jong ki Khasi States ba la plie da u lat ka jylla Governor of Assam ha ka 28 tarik April 1949. Kane ka Assembly ka long ka ba kyrpang ha kaba la kynthup ia ki 25 ngut ki khlieh nongsynshar jonh ki Arphewsan Khasi States, 56 ngut ki nongmihkhmat katkum u pud ki hima bad Phra ngut ki ba shu sieh 4 rangbah bad 4 ki longkmie.
Ha katei ka jingia kynduh u Adviser & Spokesperson, Federation of Khasi States, bad Chairman, The Grand Council of Chiefs of Meghalaya, u la ai ia ka kot ba la ia thoh lang hapdeng u bah. John F Kharshiing bad u Prof Bodhi S. Ranee, ia ka kot ba ar kaba kyrteng Khasi States Timeline 1771 to 2017 la ai sha ka Smt. Agatha K Sangma, Hon’ble Member of Parliament.
Ka Smt. Agatha K Sangma, MP, ka la kular ban bishar bniah ban ia kren bad ka Sorkar India halor ka i) jingpynbeit thymmai ia ki Article 338 & 338A bad ii) ban wad jingtip na ka Sorkar India bad ban bishar halor ki dorkhast kiba bun na ka Federation of Khasi States halor Instrument of Accession.
Sngew kmen bad da jingkyrmen kaba khraw ba yn bud dien ia kane ka Kamshaphrang ba radbah bad kongsan ka jaidbynriew. Tur shaphrang Bah John.