Ther tyngeh u Mechanical Enginiar, ia U bah Prestone Tynsong

Shillong:U bah Vicky Nelson Marbañiang na Pynursla kontitwensi, mynhynnin ka sngi, u la iakren bad ki nongthoh khubor, ha kaba, u la ther tyngeh ia u symbud myntri Rangbah jongka jylla Meghalaya u Bah Prestone Tynsong bad ia ka sorkar MDA.

U bah Marba ñiang ha ka jingkren jongu, u la nujor ba kiba don ha ka sorkar ki long thik kum U Pharo, ha kaba ki kwah ring mraw lut ia baroh bad u la kynnoh ruh ba u Bah Prestone u dei u nongialam jong ki ksuid bad ka kynhun ki MDA ki dei ki ksuid rit. Ha ka jingkren mynta ka sngi, u Bah Vicky u la ong ba ka jingkiew jong ka jing bym donkam donjam ka jur bha ha ka jylla.

Haba batai ia ka jingshem jong u Bah Vicky, u la ong ba u Bah Prestone u la thok ia u, haba iadei bad ka jingsdang jong u ban Seng kam, ha kaba u kylla ktien pat hadien. U samla Vicky u la ong shuh “Balei ba ka sorkar ka leh shitom ban wad jaka ia kita ki dkhar, katba ia ki nonghikai lajong pat ki weng kam”.
Ha ka jinglap jong u samla Vicky, u la ong ruh “Ki nongialam saiñ pyrthei jongngi ki ibein ia ki briew lajong. Ki kwah beit ba ki briew ba nabar kin wan trei shane”.