Shillong:Ka Meghalaya high Court, mynhynnin ka sngi, ha ka jingshong bishar jong U Justice Sanjib Banerjee Chief Justice bad U Justice W Diengdoh, ki la shong bishar, halor ka jingkwah jong ka kynthei, ban shim bynta ne tyrwa ialade, na bynta ka kam Rangbah Shnong, ha kano kano ka shnong.
Ha ka jing bishar, la ong ba kano kano ka shnong, ka hap ha ka jingpeit jong U Syiem ka Hima Mylliem lane ka Elaka, ha kaba ki hap ha ka jingpeit jong ka Khasi District Council (Appointment and succession of Syiem, Deputy Syiem, Electors and Rangbah Shnong of Mylliem Syiemship) Act, 2007.
La ong shuh shuh, ba na ka jingkiew ka pule puthi bad ka jingniew burom ia ki kynthei, da kaba shim jait na ka kmie, hynrei, tang ha ka kam shnong, la khanglad ia ka kynthei.
La ong shuh shuh da U Syiem ka Hima Mylliem bad ka Khasi District Council, ba ki don bun ki shnong kiba la ailad ia ki kynthei, ba kin shim bynta ha ka kam jied Rangbah Shnong bad ka kashari, ka la ong, ba kan long kaba kham bha shibun eh, lada kitei ki bor, kin ai jingmut ia kiwei de ki shnong, ba kin ailad lang ia ki kynthei bad la iathuh ba ka dorbar shnong jong ka Pynthorumkhrah, kan dei kawei kaba lah ban ai jingmut sha U Syiem ka Hima Mylliem, lada ka kwah, ba ki kynthei kin shim bynta.
Ka kashari, ka la ai por ia U Syiem ka Hima Mylliem bad ia ka KHADC, haduh ka 13tarik Nohprah 2022, ba kin wan rah ia ka khubor, halor katei ka jingkwah jong ka kashari.
kane ka long pyrshah ia ka custom law lada shah ia ki kynthie ban long rangbah shnong la dei ba shah ban ai jait kpa ia ki khun ki ba kwah ruh
me i ki don bun ki kynthei ba long syiem, president ne prime minister,balei tang ia ka kam rangbah shnong ym long mo