Hadien ka jingiakhih, khmih lynti ki nonghikai kontrak, ia ka rai ba phuh samrkhie na U MR & SMR

Shillong:Hadien shi taiew, ka jingiakhih ki nonghikai, u Babu Birbor Riangtem, President ki nonghikai skul contract, lane ka Meghalaya Government Lower Primery School Contractual Teachers Association lem bad ki katto kane ngut ki nonghikai, ki la shah khot hajir mynta ka janmiet, ka 12 tarik u Risaw 2022, ha ka office DSP, uba la phun kyrkieh ia u President ban wan mih ha Police Reserve East Khasi Hills District, halor ka ejahar ban kylli bniah, ha kaba la ujor pyrshah ia ki ar ngut ki pulit, kiba siat tear Gas ia ki nonghikai kiba tur sha Secretariat, kiba khlem la pyrkhat wat la bun ki kynthei ryngkat ki khynnah kiba dei ki khun ki kti jong ki nonghikai kiba la wan synran ha katei ka jingiakhih kaba la jia ha 6 tarik mynta u bnai.

U Babu Birbor, ula jubab shai sha ki lad pathai khubor ba ka jing ia kren bad u DSP, ka long ba u thmu ban buh jing kylli, la ka dei shisha ha kato ka sngi, ha kaba ia dei bad ka jingshah siat tear Gas, na ka liang u DSP, haba kren bad u President ba baroh ki nonghikai, kat kiba la ia soi kyrteng ha kane ka ejahar, yn khot ia baroh ba katba dang iaid ha ka jingbishar ia kitei ki pulit.

Ula bynrap ruh, da kaba ong “Ngi hun ne ngim hun ia kata ka jingbishar, namar ka dang iaid, hynrei ki la pynpaw beit ba kim sngew don ka jing kyrmen ba kan bha ka jingbishar kaba ki la ujor bad kaba pynlyngngoh ia ki paitbah ba ka long tang ka jingpyndep rukom ha ba bun ki jingbishar namar kum u nonghikai, ula iohi ia kiba bun ki inquiry hapoh ka jylla ba kin iaid sha khmat ki shu sahkut noh khlem ka jingpynshai kumba ula ai nuksa ia ka Inguiry jong u Bah Che”.

Shuh shuh ula ong, kum ki nonghkai kim kwah ban da kdew kti eh ia kita ki pulit kiba don kti ban siat tear Gas ban buh kita ki jing pynshitom, hynrei ula ong, katkum ka ain ka donkam ban leh katba ka leh bad ibit bad ki pdiang beit ba kan long ka jing sneng nangne sha khmat ba kan ym jia shuh ban poi, kum une u pud ban pynmynsaw.

”Shimet kum u rangbah u Babu, ula ong kum ki nonghikai kim dei kita kiba ialeh pyrshah ia ka ain bad ban ia leh donbor kum ka kyrdan ba donburom ki nonghikai kam iahap, namar ki dawa ia la kajong ka hok, hynrei kim pdiang satia ia kane ka jingleh haram ki pulit. Nga sngew ban pynrem jur bad kum ki nonghikai kin pynlong biang ka jingiaid paitbah kum shi bynta ban pynrem ia kane ka jingleh ki pulit ba siat tear Gas wat ban pyrshang rah kti ia ki nonghikai ula ong”.

U babu Birbor, ula iathuh ba hadien ka jing pynkut noh jong ki, ia ka jingia khih kum ki nonghikai, ki sngew ban ioh mynsiem biang, wat la ki la duh ring mynsiem, namar lyngba ka phun call la ioh ban ia kren bad u Deputy CM u Bah Prestone Tynsong ba u la khot ia ka jingiakren ia ki nonghikai kontrak ryngkat u Myntri rangbah ka jylla u Conrad Sangma, ha kine ki taiew ban sa wan, wat lada u Myntri ka tnad pule puthi u la kyntait ia ka jingdawa ki nonghikai bad ula bynrap ba kata ka jingia kynduh kaba khatduh kan long kaba pynsam rkhie ia ki nonghikai Kontrak.