Ha ka sngi lehniam Navratri, dei ban khang lut ia ki dukan die doh masi, ong U MP

New Delhi: U Parvesh Sahib Singh Verma, uba dei U MP jong ka seng BJP, ula kyrshan tyngeh, halor ka jingkhang dam ia baroh ki dukan die doh masi, ha ka sngi jingrahe ia ka lehniam Navratri, kaba la pynmih hukum da u mayor jong ka South Delhi Municipal Corporation (SDMC) bad ula dawa, ba baroh ki dukan die doh masi, ki dei ban khang lut khoit ha baroh kawei ka ri, ha katei ka sngi.

U Verma, uba mihkhmat ia ka West Delhi Lok Sabha, u khot ia ki Muslim, ba ki dei ban niew burom ia katei ka sngi khraw jong ki hindu bad ba kin pdiang ia ka rai, ba la pynmih da ka SDMC.