KA UM: Ki jingsniew kiba mih naka jingdih duna iaka um. Ki jingmyntoi kiba phi ioh lada lah ban dih um tista

Kong L Kongwang

Kano kano ka kam kaba ngi leh ne kaba ngi bam,ka um kadei kaba hakhmat eh ba ngin pyrkhat ban pyndonkam. U briew ulah ban im khlem bam daki sngi bad ki taiew, hynrei umlah ban im khlem ka um. Ka um ka don la kumno kumno 60% haka met jong ngi la ngi dih ne pynmih haka dur jongka um pynjhieh. Ban dih khyndiat ka um ne ym ju dih um ka ktah iaka koit ka khiah jongka met hi baroh kawei. Bun ki briew kim sngewthuh haduh katno ka jingdih um kalong kaba donkam. Phi duh noh iaka um naka met manla kapor ba phi leit shabar ne haba mih syep palat bad kane ka nang pynsliang shuh shuh iaka met jongphi. Kumta lada phim lah ban dih um shibun, phin iohi shibun ki jingmih kiba sniew na ka jingduna ban dih um.

kadon ka jingai jingmut ba dei ban dih um la kumno kumno 8 klat ne 2litar ka um haka shisngi ban lait naka jingtyrkhong ka met. Ka um kadei kaba lah ban khate iaka jingim jongphi. Haba duna um haka met, ymtang baka pynsliang hynrei ka ktah ruh iaka koit ka khiah jongka met baroh kawei bad na kane ka jingduna um ka pynlong iaka snam ba kan kham rben shuh shuh.

Harum phin sakhi katto katne ki jingmih kiba sniew naka jingdih duna iaka um.

1. KA JINGTYRKHONG KA SNIEHDOH:— Ka sniehdoh ka dei ka bynta kaba kongsan tam jong ka met jongphi, kumta donkam ban sumar bha. Kane ka dei ka wei naki basniew tam kiba pynmih shibun ki jingeh lada dih duna iaka um. Ka long kaba donkam kan nymtyrkhong naka por sha ka por naka bynta ka jingtreikam bha jong ka. Ka jingduna um haka met,ka pynduna iaka jingmih syep,bad kane ka ialam sha ka jing bymlah shuh ban weng ia ki phngit kiba sah kut haki sniehdoh jongphi bad pynlong lati iaka met.
2. KA JINGTYRKHONG KA SHYNTUR:— Ka jingtyrkhong ka shyntur, u thylliej bad ki rymmiang shyntur kidei ki dak paw my nyngkong eh naka jingtyrkhong um ka met. Lada la shynt6ka tyrkhong, phin sakhi shibun ki jingeh kum ka jingorpait, ka jingdait bad mih snam ka rymmiang shyntur. Kane kadei namar ka met jongphi kala tyrkhong um lypa.
3. KA JINGLONG TLOT BAD THAIT:— Ka jingsngew tlot bad jingsngew thait ka met ka wanrah shibun ki daw hakaba iadei bad ka koit ka khiah jongka met hynrei ka jingthait kloi kadei kadaw ba hakhmat eh jongka jingtyrkhong jongka met. Haba ka met ka sdang ban tyrkhong, kamut ba ki tissues bad ki cells kim ioh um bha. Kane ka pynlong iaki briew ba kin tlot bad thait kloi.
4. KA PYNSNGEWTHNGAN:— Haba ka met ka tyrkhong, kalah ban sdang pynsngew thngan iaphi watla phim pat thngan ruh. Kane ka jia naka daw ka jingtyrkhong ka met. Haba bam ki jingbam kiba duna um, la pynsuki ia ka metabolism bad ka pynbun pat iaka fat. Kane kadei kawei naki jingktah ba sniew tam haba duna ban dih iaka um.
5. PANG KI MAT:— Ia u budlum bad ki shyieng kyrkhoit jongka met jongngi la pynlong da 80% ka um. Ka jingduna ka um ha ka met ka ktah bha iaki mat bad ka pynshroiñ iaki shyieng ha baroh ki bynta jongka met. Ka long kaba donkam bha ban sumar iaki shyieng ha manla ki sien jam bangi shim.

Ki jingmyntoi naka jingdih um shibun-:

1. IARAP PYNHIAR KA JINGKHIA-:Naka bynta kito kiba kwah ban pynhiar ka jingkhia ,la um ka dei kaba ha khmat eh kaba lah ban iarap.dih iaka um mynstep haka por ban dang thylliej kpoh.Kane ka iarap ban kyntiew iaka metabolism bad kan pynlah ban thang bha kham bun ka calorie bad ka iarap haka pynhiar iaka jingkhia.
2. PYLLAIT NAKA JINGKTHA KHLIEH:— Kawei naki daw ba hakhmat eh jongka jingktha khlieh kadei naka jingduna ban dih um man la ka por. Ka jingtyrkhong um ka met ka ialam sha ka jingktha khlieh. Kumta phi dei ban dih shibun ka um, kane ymtang baka iada naka jingktha khlieh hynrei ka iada ruh na shibun ki jingeh jongka met.
3. IARAP HA KABA PYNKHUID IAKI TOXIN NAKA MET:— Ka jinglah ban dih um tista khamtam haka por mynstep ka iarap ban sait iaki toxin naka met. Lada long kaba lah dih daka um syaid kaba malu mala namar kane ka kham iarap ban pynpra kloi iaki jingbam haba ia nujor bad ka umpjah.
4. KYNTIEW IAKA KOIT KA KHIAH JONGKA SNIEHDOH:— Ka jingtyrkhong ka met kadei ka daw kaba wanrah shibun ki jingeh bad kawei nakita kadei ka jingeh haka sniehdoh. Ka jingtyrkhong ka sniehdoh ka wallam ki jingthoh lain bad ring sti haka sniehdoh. Kumta ialeh ban dih um katba lah la phi sliang ne phim sliang naka bynta ka jingtuid bha ka snam ban kyntiew iaka koit ka khiah jongka sniehdoh. Kane la iarap ruh ban weng iaki toxin naka met bad pynlong ia ka sniehdoh kaba jlih.

KHUBLEI