Shillong:Ka Deputy Commissioner jong ka East Khasi Hills District ka Kong Isawanda Laloo, ka la phah da ka jingthoh sha ki khyndai tylli ki seng saiñ pyrthei ha kane ka jylla Meghalaya.
Ki party kiba la ïoh ïa kane ka shithi ki long Indian National Congress, National Congress Party, National People’s Party, United Democratic Party, People’s Democratic Front, Hills State people Democratic Party, Khun Hynñiewtrep National Awakening Movement, All India Trinamool Congress bad ka Bharatiya Janata Party.
Ha ka shithi, la thoh ba na ka daw ba ka jylla kan sa leit sha general elekshon ha u snem 2023, la bthah ïa baroh ki seng saiñ pyrthei, haba ki pyn long ïa ki jingïalang paidbah, ne jingïaid paidbah ki hap ban da pan jingbit.
Kane ka long ban ym don kano kano ka jingjia kaba sngewsih ha ka por ba long ki jingïalang paidbah ne ka jingïaid paidbah, bad haba pan jingbit ban pynlong jingïalang kidei ban da suh lang ruh ïa ka jingbit na ki shnong ba kan don katta ka jingïalang.
Haba pynlong ïa ki jingïalang kiba rit ki kyntoit ne ha ki ïing briew dei ban pynthikna ba kan ym don kano kano ka jingpynwit ïa ki para marjan bad ïa ka jingïalang dei ban pynkut noh hapoh ka 8.00 baje mynmiet.
ha ka por ba sait ia u bah che ki pulit meghalaya ki pan jingbit na Ka Dc ne na ka ophis jng phi, hapoh shnong hapoh thaw dei ka bor u Rangbah shnong
Kaba dei, hap ujor ia kane kane mat ruh namar ba kim pan jingbit.
Good decision