Ki pynbiej man ka san snem, ki paidbah ruh ki biej “Lyngngoh U Mukul Sangma, ba kat U SMR u kren ia kitei ki kyntien”

Mawkyrwat:U nongialam jong ka liang pyrshah ha iing dorbar jylla, uba long ruh ha kajuh ka por u nongialam jong ka All India Trinamool Congress, u la maham ia ki paid bah jong ka Maw kyrwat bad ka jylla hi baroh kawei, ba kim dei ban biej ia ki parti ba shu pynbiej tang ha ki por elekshon.U la ong ruh ba ki parti ba don ha ka sorkar kum ka UDP,HSPDP,NPP, kin sa kynnoh iwei ia iwei da lah jan elek shon, katba ki klet pat ia ki kam kiba ki la leh bad ka kamram ba u paidbah u la bynshet ha ki.U la kyntu ia ki paidbah ba kin kyr shan ia u kyrtong ka AITC.

Ha kawei pat ka liang u Dr Mukul, u la ong ba ka jingong jong u Bah Prestone, ba ki pynbiej man ka san snem, katba ki paidbah ruh ki biej ka dei kaei kaei kaba lyngngoh, ba kumno kat symbud myntri rangbah, u dang nud ban kren kum kita ki kyntien bad u Dr Mukul u la kyntu ban kiar ia kiba shu thok shu jler na ka por sha ka por.