U Bah Baiahunlang Makdoh, u kyrtong UDP na Mawhati Constituency

Nongpoh:Mynhynnin ka sngi, ka la don ka jingialang hapdeng ki nongialam ka Executive Committee jong ka UDP Mawhati Circle lem bad ki heh nongialam ka UDP Ri Bhoi, ha kaba lyngba katei ka jingialang, ki la shim ia ka rai ban pynieng ia u Bah Baiahunlang Makdoh, ba un long kum u kyrtong ka UDP ha kane ka ilekshon 2023.

Haba iadei bad katei ka jingpynbna ia ka kyrteng u Bah Baiahunlang Makdoh, kum u kyrtong ka UDP na Mawhati Constituency, ka dei hadien ba ki la ioh ia ki kaiphod na ka komiti, kaba la phah kyrpang ban leit twat jingmut na ki paidbah kiba hap hapoh ka Mawhati Constituency, namar katkum ka jingsngew ki paidbah, ki kwah eh bad thrang ba u Bah Baiahunlang Makdoh, un ioh ia ka tiket na ka UDP ban iakahun na Mawhati.

Ha katei ka jingialang bad kaba la pynskhem syndon ia ka tiket sha u Bah Baiahunlang Makdoh, la donlang da u Bah Donbok Khymdeit, President ka UDP ha Ri Bhoi, u Bah Michael Kharhunai, Secretary ka District, u Bah Lasting Syiem, Secretary ka UDP Mawhati Circle lem bad kiwei kiwei ki nongialam jong ka party.