Sdang iakren kam pud ka Assam bad ka Mizoram. Ka Mizoram, ka ieng halor ka ain kaba naduh u snem 1875

New Delhi:Ki myntri rang bah ka Assam bad ka Mizoram, ki la ia kynduh mynta ka sngi ha Assam House ha Delhi, na ka bynta ban iakren halor ka jing ia kajia kam pud jong ki ar jylla.

U Himanta Biswa Sarma, myntri rangbah ka Assam bad u Zoramthanga, myntri rangbah ka Mizoram, ki iakynduh bad iakren halor ka jingthaw ia ki regional committee ban jurip ia ki jaka ia kajia jong ki ar jylla, kiba don ha khappud.

U Himanta Biswa Sarma, haba kren hadien ka jingialang, u iathuh ba ki dang pynkhreh ban thaw ia ka komiti, ban pynbeit halor katei ka kam ia kajia pud.

Ka Mizoram, ka dawa ia ka Assam, ban pynbeit pud, katba kum ka soskular 1875, kaba dei ka ain jong ka Bengal Eastern Frontier Regulation (BERF), katba ka sorkar Assam, ka kwah ban iaid da ka ain kaba 1933.
Ha ka ain jong ka BERF, ka Mizoram, ka don shibun ki jaka, kiba la kam trai da ka Assam, hynrei, ka Assam, ka kyntait ia kitei ki jaka, kiba bun, ba la kam trai da ka Mizoram.