Lyngba ka shithi, pynshna transformer; sha ka kolej dohkha ha Tripura

Shillong:U nongwad RTI ba pawkhmat bha jong ka jylla Meghalaya,u Bah Disparsing Rani, mynhynnin ka sngi u la mih shakhmat ban iakynduh ia ki nong thohkhubor, ban ia thuh sha ki, ba u la iarap ban phah pyn bha bad shna thym mai ia u Transformer, ha kawei na ki skul bah ba don ha jylla Tripura.

Une u rang bah, u la iathuh ba hadien ka jing ioh jingujor na ki samla pule jong kane ka skulbah, kiba dei ruh nangne napoh jylla Meghalaya, u la phah ka RTI sawbnai mynshwa bad la ithuh ba u ne u Transformer u lah duh lah shisnem mynta.

Kumta na ka liang u Bah Disparsing Rani, u la thoh sha ka Tripura electric Board ban pynbha bad pynshna kloi namar ka ktah ia ki khynnah pule jong ka fisheries University bad u la phah shithi ruh sha U Chief Secretary jong ka sorkar Tripura ban kylli bniah bad tohkit bha ba ka kam ka lah poi shaei.U lah ioh ia ka jubab ba ka sorkar ka la dep ban pynshna bad wan rah da u transformer thymmai bad ia kane la kubur ruh da ki khynnah pule jong katei ka skulbah, kiba la phone bad ai khublei ia ka jingiarap ka jong u.