Sha ophis DC ujor ka HITO, ba khlem akor ka kompeni tih khyndew ha Byrnihat

Nongpoh: Ki nongialam ka Hynñiewtrep Integrated Territorial Organization (HITO) Byrnihat area, mynta ka sngi ki la ujor sha ki bor pyniaid distrik ka Ri Bhoi District, pyrshah ia uwei u briew uba la tip kum u Utam Zunzunwala, uba dei ruh u nongpeit jong kawei ka kompani, kaba la pyntih khyndew ha kawei ka jaka kaba don ha ki thain Byrnihat.

Katei ka jingujor da ki nongialam ka HITO pyrshah ia utei u briew, ka dei hadien ba ki la lap ba ka jingtih khyndew, ka la pynktieh palat ia ka surok bad pynthut ia ka leit ka wan ki paidbah na ka shnong Narbong, Umjojwa lem bad kiwei kiba don ha katei ka thain.

Haba ïadei bad katei ka jingujor, na ka Liang ka seng ka dawa bor distrik bad khamtam ia u DC, ba u dei ban shimkhia ïa katei ka jingujor ka seng, khnang ba ki paidbah kiba pyndonkam ia katei ka surok, ba kin lait na ki jingeh na ka ktieh kaba mih na katei ka khyndew, namar ba ka la pynjynjar eh ha ka leit ka wan ki paidbah.