Shah pynngat kyndon U Commander In chief ka HNLC, ha ka jingbthei bom ha Star Cement

Shillong: Sawngut ki dkhot jong ka seng HNLC, ki la shah pynngat kyndon, ha ka National Investigation Agency (NIA), hynnin ka sngi bad ka daw ka long, namar ba ki leit buh bom, ha ka jaka sah jong ki nongtrei ka Star Cement, ha East Jaintia Hills District. Ia katei ka rai, la leit aiti, ha khmat ka NIA Special Court, ha Shillong, hynnin ka sngi.

Ki saw ngut kiba la shah pynngat kyndon, ki kynthup ia U bah Bobby Marwein, Chairman ka HNLC bad uba dei ruh U Commander In Chief, nangta U Bah Sainkupar Nongtraw, General Secretary bad Publicity Secretary jong ka seng HNLC bad sa kiwei pat kiba la tip, kum U @ Wanbor Khardesaw @ Lung @ William.

Katei ka dei ka jingtohkit, kaba la shim da ki pulit ha Lumshnong, ha ka 13tarik Nohprah 2020 bad hadien kata, ka sa shim no ka NIA, ha ka 15tarik Lber, 2021. La iathuh ba katei ka jing pynbthei bom, ka dei namar ba ka Star Cement, kam siew ia ka khajna, ba la dawa da U Marius Rynjah @ Hep Koit, uba dei U SS Finance cum Socio Cultural Secretary jong ka HNLC.