2tarik, yn pyni ia ka “Ka Bor Jong Ka Kyiad” ha Bijou Cinema

Shillong:”Ka Bor Jong Ka Kyiad”, ka phlim Khasi ba thymmai, yn sa pyni ha Bijou Cinema Hall, Shillong, naduh ka 02tarik Nailur, 2022 haduh ka 08tarik Nailur, 2022 bad ka por ban pyni ka long 11:30Am, 02:00 Pm, 05:00Pm bad 07:00Pm.

Ha kane ka phlim u tyngshop lamkhmat u dei u Samla Batistuta Tynsong bad ka Samla Shisha Dkhar bad don ruh kiwei kiwei pat kiba don bynta lang. Kane ka phlim ka don ia ka khana shaphang kawei ka long iing kaba iakynduh jingeh bha ha ki liang baroh tang na ka daw ka jingdon u dkhot ka long iing uba ngop palat ha ka jingdih kyiad, kumta haduh ba kata ka long iing kam lah khie khlieh shuh ha ka im lang sahlang.

Na ka liang ki nongshna jong kane ka phlim, ki kyrpad iaphi kiba ieid bad kiba ju sngewtynnat ban peit ia ki phlim khasi, ba phin ia ai jingkyrshan lem da kaba wan ban peit bad sakhi hi dala ki jong ki khmat khnang ba phin iohi bad tip kham bniah kumno ka khana ka long ha kane ka phlim.