Shah kem arngut ki snar khaii briew na Bangladesh sha India

Shillong:Ki pulit jong ka Ratacherra, ki la ioh kem ia arngut ki khar Bangladesh, kiba ju iarap, na ka bynta ban pynpoi ia ki khar Bangladesh, ba kin wan rung sha India, ha ki ar bnai ba ladep, lyngba ka Kuliang Ratacherra.

Mynta ka sngi, ha ka por 12baje nohsngi, la iohi ia kitei ki khar Bangladesh, kiba rieh ialade ha ka khlaw jong ka Pyrtakuna bad ha ka jingleit thwet biang por, la ioh kem ia ki arngut na kitei ki khar Bangladesh bad kitei ki kynthup ia U Misba Uddin (31) bad U Badrul Alom (30). U Misba, u dei uwei na ki runar, ba satar bha bad uba ki pulit ki la ju thwet bha ia u, namar kiwei pat ki kam runar jongu.