Shillong:Ki Pulit ka West Jaiñtia Hills, ki la kem ïa arngut ki briew kynthup ïa u I Love You Talang, na mar ka jingdonkti ban pynïap ïa uwei u nongñiah taxi kamai ka Sor Jowai dang shen.
Kine ki arngut ki runar, u I Love You bad u Ramesh Dkhar ki la pynïap ïa u Nongñiah taxi kamai na Jowai sha Ladrym bai uba la tip kyrteng u Damehipaïa Pa reng, uba la jah rngai naduh ka 10 tarik Nailar.
Katkum ka khubor ki Pulit, u I Love You Talang u dei ruh u snar pynïap briew uba la don bun ki case ha Jowai Police Station.
Ha ka jingtohkit ki Pulit, u I Love You u la phla ruh ba u donkti ban pynïap ïa uwei u nongñiah kali tourist ba kamai na Jowai sha Shillong uba la tip kyrteng u Fullmoon Kharsahnoh, uba dei na ka shnong Larnai, West Jaiñtia Hills.
La ïathuh ba u Fullmoon uba ñiah ïa ka Maruti Swift Desire ba don u nombor ML04-D-1113, u la jah rngai bad ka kali ha ka 16 tarik une u bnai.
Ïa ka metïap u Fullmoon la lap ha ka mied 16 tarik na Mynkre, East Jaiñtia Hills bad ha ka jingtohkit, la lap ba ki runar ki la teh ïa ka kti ka kjat bad ki la pynïap ïa u da kaba ot na ryndang.
Synei bapli tang ki jingbakla shi khyllipmat,katno ki kthang kiba ha ing ha sem Jong i