Na ka T. 5 lak, kyntiew sha ka T. 5.30 lak ka MHIS

Shillong:Ka Sorkar Jylla ka la ïasoi soskular mynta bad ka National Insurance Company Limited (NICL) ban pyntrei kam ïa ka Megha Health Insurance Scheme (MHIS) Phase-V bad ka Pradhan Mantri Jan Arogya Yojana (MPJAY).

Ïa kane ka soskular la ïasoi hapdeng u CEO ka MHIS bad Additional Secretary ka Tnat ka Koit ka Khiah u Ramkumar bad u L.S Puni Isaac, Assistant Manager ka NICL.
La ïasoi ïa kane ka soskular ha ka jingïadonlang ryngkat u Myntri ka Tnat ka Koit ka Khiah ka Jylla James K Sangma bad kiwei kiwei ki Heh Ophisar ka Jylla bad ka Tnat ka Koit ka Khiah.

U Ramkumar u pyntip ba ka Insurance na kane ka MHIS-V-PMJAY ka la kiew na ka T. 5 lak sha ka T. 5.30 lak bad ka thup jong ki nongiïoh bynta ruh ka la nang kham bun ha kane ka skhim ba mynta.
Ula pyntip ba baroh ki Nongshong shnong ka Jylla Meghalaya laitnoh ki Nongtrei ka Sorkar Jylla bad ka Sorkar Pdeng, ki lah ban ïoh ïa ki jingmyntoi jong kane ka skhim.

U Ramkumar u pyntip ba ka MHIS-V bad PMJAY kan sdang treikam noh naduh ka 1 tarik u Nailur 2022.