New Delhi:Ka Meghalaya bad san tylli ki jylla jong ka India, ki don ha ka jingduk kaba jubor bha, ha kaba ka jingioh kamai jong ki nongshong shnong, ka la hiar shaba palat, hadien ka jingwan jong ka khlam Covid 19, ong ka kaiphod, kaba la pynkhreh da ka National Statistical Office, kaba pynkhreh ia baroh 21 tylli ki jylla bad sa ki jylla rit, na ka bynta u snem 2021-22.
Kitei ki jylla, kiba hiar tyngeh ka ioh ka kot jongki, ki kynthup ia ka Uttar Pradesh (-6.08%), Kerala (-3.9%), Uttarakhand (-1.52%), Meghalaya (-1.8%), Jharkhand (-0.9%) bad ka Punjab (-0.12%).
Ki 14 tylli kiwei pat ki jylla, kiba la wan phai biang, ka ioh ka kot, na kaba long ha shwa jong ka jingwan ka khlam covid bad kitei ki kynthup ia ka Andhra Pradesh (9.74%), ka Bihar (9.4%), Karnataka (7.8%) bad ka Tamil Nadu (6.6%). Kiwei ki jylla kiba la sdang kiew ka kamai jongki, ki long ka Haryana, Himachal Pradesh, Madhya Pradesh, Odisha, Rajasthan, Sikkim, Telangana, Tripura, Jammu & Kashmir bad ka Delhi.
Ka Sikkim, ka dei ka jylla, kaba ka kiew bha ka jingioh kamai jong u briew shimet, ha kaba ha u snem 2022-22, ka jingioh kamai jong u briew shimet, ka long T.2.56 lakh shisnem, ka Haryana T.1.79 lak, ka Karnataka T.1.68 lak. Ka jingioh kamai jong ki nongshong shnong ha Bihar, ka longT.30,779, katba ha Uttar Pradesh T.40,432.
Lait noh ka West Bengal bad ka Manipur, hynrei ka jingioh kamai jong ki 32 tylli ki jylla bad ki jylla rit, ka hiar shibun ha u snem 2021, ha ka por ba ka don ka jing pakhang shnong, da ka sorkar India.
Na ka liang jong ka Centre for Monitoring Indian Economy, ki don 78 million tylli ki kam, kiba la duh noh, ha ki lai bnai jong u jylliew 2020, kiba dei ki bnai sdang jong ka khlam covid bad nangta sa 13 million tylli ki kam, kiba la duh noh, ha ka kylla kaba ar, kaba la jia ha ki lai bnai ba kut jong U Jylliew 2021.
Ha ka snem 2021-22, ki don hynniew tylli ki jylla, kiba kiew bha ka kamai kajih jongki bad kitei ki kynthup ia ka Andhra Pradesh (11.43%), ka Rajasthan (11.04%), ka Bihar (10.98%), ka Telangana (10.88%), ka Odisha (10.19%) bad ka Madhya Pradesh (10.12%). Ka jingkiew ka ioh ka kot ha India, ka long 8.7% ha u snem 2021-22, hadien ba ka la hiar sha ka 6.6% ha u snem uba mynshwa.
Ha Meghalaya jur palat corruption bad extortion jong ki NGO na ki Malik kaba la wanrah IA ka jingkiew dor
Ki briew ba shong ha state meghalaya ki duk namar ki ioh ia ki leaders ba bam sap, ki khwan myntoi ia lade, ki ei ki kam ba ki paid bah ba ki ju trei bad mut bn trei lah shah khang noh, da ka sorkar bad ki heh saipan, te publish sa phi kumno sngew hal or kane
Dei beit ka jingbamsap ki nongialam ka pynlong ia State ba kan duk