Pyrshah ka KHADC, ban pyntreikam ïa ka CrPC bad CPC ha ki jaka jong ka Council

Shillong:Mynhynnin ka sngi ka KHADC, ka la phah sha ka sorkar jylla ïa ka jingthoh ban pyrshah ïa ka jing thmu ka sorkar ban pyntreikam ïa ka CrPC bad ïa ka CPC ha ki jaka jong ka District Council, ïa kane ka shithi la soi da u CEM u Bah Titosstarwell Chyne.

Ha ka shithi kaba la phah mynta ka sngi, u CEM jong ka KHADC, u la ong ba ïa kane ka shithi la phah hadien ka jingïakynduh lang jong ki 21 ngut ki MDC kiba la poi sha ka jingïalang ban shim ïa kane ka rai ban pyrshah ïa ka jingthmu ka sorkar ban pyntrei kam ïa ka CrPC bad CPC ha ki jaka jong ka District Council.
Ka rai kaba ka KHADC ka la shim ïa kane ban pyrshah ïa ka jingthmu ban pyn treikam ïa CrPC bad CPC ha ka jaka ba don ki riewlum kan ktah ïa ka ki ïing bishar jong ka District Council bad kiwei ki ïing bishar kiba hab hapoh jong ka District Council.

Na ka liang jong ka KHADC ka kyntu ïa ka sorkar ba kam dei ban pyntreikam ïa ka CrPC bad CPC ha ki bynta ban dei peit ka District Council namar lada pyntreikam kiwei ki Ïing bishar kin ïoh ban bishar ïa ki mukotduma kiba hab hapoh jong ki District Council.
Na ki 30 ngut ki MDC ha KHADC kiba la soi ban pyrshah ïa katei ka jingthmu jong ka sorkar jylla ban pyntreikam ïa ka CrPC bad CPC ha ki jaka jong ka District Council, nalor u CEM kiwei ki long u PN Syiem, Gigur Myrthong.

U Bah Paul Lyngdoh, Mitchell Wankhar, Bajop Pyngrope, Balajeed Ranee, Batskhem Ryntathiang, Carnes Sohshang, Kong Grace M Kharpuri, Victor Ranee, Shanborlang L mawlong, B M Lanong, Lamphrang Blah, Teiborlang Pathaw, Pynïaid Syiem, Kong Macdlyne S Mawlong, Jambor War bad Alvin K Sawkmie.