Hapoh shi kynta, rai ar ki MR ban pynbeit pud biang

Nongpoh: Ki arngut ki Myntri Rangbah jong ka sorkar Meghalaya bad Assam, ki la pyn long jingialang ha Guwahati, kata na ka bynta ban iakren halor ka jingthmu ban sdang noh ia ka jing pynbeit pud ia kito ki jaka ba dangsah, ka jingia kajia pud hapdeng ki shnong kiba don ha Meghalaya bad Assam.

Katei ka jingiakynduh hapdeng u Conrad K. Sangma bad u Himan ta Biswa Sarma, la iohi ba ki Chief Secretary na ka jylla Meghalaya bad Assam, ki la donlang lem bad kiwei ki heh ophisar sorkar na kitei ki jylla.
Katei ka jingialang ka la neh kumba 1 kynta tam bad katei ka jing ialang ka la long kaba kyrpang eh, namar ym shym la shah iano iano ban rung hapoh katei ka kamra, lait noh ia kito ki heh ophisar sorkar.

Ki Myntri Rangbah, ki la pynpaw kane ka kylla ba-ar jong ka jingpynbeit pud kan kham pher bad ba khan kham eh ban haba nujor bad kato kaba dang shu dep shen, hynrei watla katta ki kyrmen ba kane ka kylla ba-ar ruh yn lah ban pynbeit ha kata ka rukom bad kaba hun lang da ki paidbah na ka jylla Meghalaya bad Assam.