Aizawl:U Zoramthanga, myntri rangbah ka Mizoram, ula pan map na ki paidbah jong ka jylla, hadien ba ka khun kynthei jongu, ka leit ban shoh ia u doctor, ha kawei ka jaka ai dawai jongu bad katei ka dur, ka la saphriang kylleng kylleng. U Zoramtha nga, ula ong, ba um pdiang satia ia kaba kum katei ka jingleh.
“Ngim don eiei ban iada ia kaei kaba ka khun jongngi, ka leh ia u doctor. Ngi pan map na u doctor bad na ki paidbah” ong u myntri rangbah ha ka Istagram jongu.
Ka dei ha ka 17tarik Nailar, ba ka Milari Chhangte, ka khun u myntri rangbah ka Mizoram, ka la thab ia uwei u doctor ha kawei ka jaka sumar pang jongu. La iathuh ba ka Milari, ka la khie bitar jur, haba u doctor, ula kyntait ban peit shwa ia ka, naba ka khlem da ia kut por lypa.
Katei ka jingjia, ka la pynmih ia ka jingsngew pyrshah jong ki doctor ha ka jylla. Ki dkhot jong ka Indian Medical Association (IMA) ha Mizoram, ki la deng lama iong, ha ki jaka trei jongki, ha ka sngi Saitjain.
U Zoramthanga, u ai khublei ruh ia ka IMA, namar ba kam shym la leh da kaba tyngeh, ban pynsaja ia ka khun jongu, ka Chhangte.
Nang iai pynmih shuh shuh ki khubor jong kiwei ki jylla ngi kwah bha bna tip laka lobg kumno
Nha sngew tynnad ban pule bad nga dei ruh u best fan iaka rupang bad kynjat shai kumta nga kyrpad iaphi sir/ miss lada lah nang iai update beit man ka por iaki khubor jylla bad kumjuh ki khubor jong kylleng ka pyrthei
ioh lehse ba i shitom jur…hap ban peit shwa.
ka la dei bn lt sha hospital da la shitom jur