Yn hiar Delhi ki nongtih mawshun

Shillong, 24 Nailar:  Mynta ka janmiet ka jingialang jong ka Jonti Action Committee jong  ka  Khasi Jainita Land owners and Quarry Association ka la rai ban iaid beit shakhmat ia ka rai jong ka na ka bynta ban ujor sha ka Supreme Court bad  katei ka kynhun kan hiar Delhi ha ka taiew ba nyngkong jong u nailur ban pyndep ia katei ka kam. Ha katei ka jingthoh kaba la soi da u President bad Secretary jong katei ka Association u bah Riban Lyngdoh bad u bah Jropsing Nongkhlaw ka la pyntip sha ka Supreme Court ia ka rukom longtrai kane ka jylla ha ka khyndew ka shyiap bad ka la kyrpad ia ka Supreme Court ba kan pynsangeh shipor ia ka rai jong ka Meghalaya high Court kaba la khang ban tih maw tih shyiap ha kane ka jylla.