Kylla ka trok ba kit “kangar” ha lad Lummawbah; dheng kali jubor

Shillong:Myn ha ka step jong ka sngi Balang, ka 9 tarik u Nailar 2022, ha ka por 10 baje eiei, kawei ka Truck kit lyntang kaba don ia u nombar ML 06 5885, kaba hiar na Hynniew mer ban kiew Shillong, ka la kylla lyndang noh hi jrain ha surok bah, pyrshah ka lat ban leit sha Lummawbah.

Ha katei ka jingjia u nongniah katei ka Truck uba la tip kyrteng u Bah Direct Syiemlieh, uba la doh ha karta 50 snem uba shong tang marwei, ula khie na ka jinglyngngoh hi ngain khlem tip briew shuh. Donbok, ba u khlem don kano kano ka dak mynsaw kaba paw ha ka met, hynrei ka shu don ka jingpang, jingsuh na ki bynta jong u syngkai.

Shwa ba katei ka Truck kit lyntang kan kylla, kiwei pat ki kali kiba iaid na ka phang kamon, ki la lait thaw na ka jingshah ban jong kane ka truck bad ruh kiwei ki kali kiba bud nadien kim shem la shim pass bad kim shem la iaid marjan shuh bad kane ka Truck, namar ka jingkit khia palat jong katei ka Truck ia ki lyntang.

U tei u rangbah haba u iathuh, u iathuh ba u kit ia ki lyntang na ka shnong Mawiaban Nongstoin na West Khasi Hills District ba mut ban leit pynhiar sha Damsite.
Ha katei ka step jong ka jing kylla ka Truck kit lyntang, ka la wan rah ka jingdheng kali kaba jur ia ki kali kiba kiew bad ba hiar ha Upper Shillong bad kumta, ki bor pulit ki la pyndonkam haduh lai tylli ki kali khwai, ban pynieng ia katei ka Truck ban pyllait ia ka jingdheng kali.