Ym thang dhup ha Mawjymbuin

Shillong, 23 Nailar:
Hadien ba ki 3 seng ba kynthup ia ka FKJGP, KSU bad HYC Mawsyn ram Circle ki la maham bad buh kyndon ia ki niam hindu kiba leit ban iaid Yatra na Shillong sha krem Mawjymbuin, la ioh jingtip ba kam shym la don shuh ka jingthang dhup, ka jingbuh syntiew bad ka jingtheh dud ha katei ka krem kumba ki la ju leh mynshuwa. La ong ba mynta ka sngi ki la don kumba 200 ngut eiei ki nongiaid Yatra ka niam hindu kiba la leit sha Mawjymbuin hynrei ki la bud ryntih ia ki kyndon ba ki bor shnong bad ki seng bhalang ki la buh ia ki ha katei ka jaka.