Bynniaw ki nongrep ka thain WKHD, ba shah lynshop mariang

Nongstoin, 23 Nailar:
Ka jingther jong u phria u ba jur ha ki bynta jong ka WKHD, ha kine ki bnai ba la dep kala wanrah ia ka jing duh nong kaba khraw ia ki paitbah jong ka thain, khamtam ia kito kiba im lyngba ka rep ka riang, ki lanot kiba la shah ktah ha katei ka jinglyngshop phria kila don hapdeng ka jingduh jingkyrmen halor ka jingpynslem jong ka sorkar ban ai iaka jing iarap.
U phria uba jur myn ha u bnai March – April, 2015, u la pynjot  ym tang ia ki iing ki sem hynrei khamtam iaki jingthung jingtep kiba da ki klur kila shu sep ei ha katei ka jing lynshop jong u phria, ha kaba iadei bad katei ka kam na ka liang jong ki Nongrep ka thain West Khasi Hills khamtam naka thain Mawthadraishan ki la dawa iaka sorkar ba kan pynsted noh ia katei ka jingai jingiarap namar haduh mynta kim pat ioh eiei wat shi tyngka ruh naka sorkar.
Ka jingle klet jong ka Sorkar Jylla ia ki lanot ba shah ktah ha u tei u phria ka la paw shai ba wat hadien ba nakaliang jong ka sorkar kala dep ban tip ia katei ka jingjia bad kala dep ruh ban pan iaki Account Number  jong ki nongrep ka thain hynrei k aba sngewsih ka long bahaduh mynta ka sorkar kam shym pat la lah satia ban leh ei ei.
U Bah N.Syiemiong uwei na ki nongrep ba la shah ktah haka jinglynshop u phria, u la ong ba kum ki paidbah ki da angnud ba ki Nongmihkhmat jong ka thain ba kin mihkhmat lem sha ka sorkar ha kaba iadei bad katei ka kam wat ki nongmihkhmat ruh kila leh klet lang kumba ka sorkar ka la leh ia ki..
Shuh shuh u  Bah Syiemiong ula iathuh ruh ba haduh mynta ki don ki longing kiba duk ha kaba wat iaki tin sopiing kiba la pei thliew ruh kim shym la ioh shuh ban thied namar ka jingpynslem jong ka sorkar ia katei ka jing iarap.
Nakaliang jong ki Nongrep hadien ba kila dep ban wad bniah ia katei ka jing pynslem hapoh ka Ophis jong ka Disaster Management la ong ba ka sorkar ha kine ki sngi ka mad iaka jing kyrduh pisa kaba jur kumta ka jing pynslem kadei namar ba ympat don ka funds.
Kumta ki nongrep ka thain kiba la shah ktah jur ha katei ka jingther phria  ki la dawa jur ia ka sorkar ba ka hap ban leh da kano kano ka bynta namar shuwa ban iap thngan ki nongrep jong ka thain.