Na iing sah U Hero, kurup ki pulit 85lak, dei u clerk ka sorkar Madhya Pradesh

Ki pulit jong ka Madhya Pradesh, ki la ioh kurup ia ka pisa kaba 85 lak, na ka jaka sah jong uwei u nongtrei clerk jong ka sorkar jylla, mynta ka sngi. La lap ia katei ka pisa, haba leit khynra ia ka jaka sah jongu, da ka tnat Madhya Pradesh Economic Offences Wing (EOW).

Ki nongtrei jong ka EOW, ki la leit poi ha ka iing sah jong U Hero Keswani, uba trei kum u clerk, ha ka tnat jong ka Medical Education Department.

La iathuh ba U Hero Keswani, ula kem pang, tang mar ia poi kitei ki nong talasi ia ka iing jongu bad la hap ban leit rah ia u mar mar sha Hospital, ba un shah sumar.

U Hero Keswani, u ioh tulop ha kaba sdang, kaba long 4hajar shibnai bad mynta, u ioh 50hajar shibnai.