Rung 27 tylli ki liengsuin iapom ka China, sha ka haw haw jong ka Taiwan

Ka Taiwan ka kam ba ki don 27 tylli ki liengsuin iapom jong ka China, kiba la rung sha ka haw haw, kaba hap ha u pud u sam jong ka Taiwan.

Ka tnat iada ri jong ka Taiwan, ka kam mynta ka sngi, ba kitei ki 27 tylli ki liengsuin iapom, ki la leit tam ia u pud jong ka China, da kaba rung sha Taiwan, mynta ka sngi.

Kitei ki liengsuin iapom, ki kynthup ia 6 tylli ki J-11, 5 tylli ki J – 16 bad 16 tylli ki SU – 30. Mar ia jia, katei ka jingtam pud kitei ki liengsuin iapom ka China, ka Taiwan ruh, ka la sei madan ia ki liengsuin iapom jongka bad ia ki tiar ialeh ha suinbneng, ong ka khubor.

Kham mynshwa, hynnin ka sngi, ka Taiwan, ka la pynher ia 21 tylli ki liengsuin jongka, kiba leit tam pud sha Taiwan, ha ka por ba ka lamphang jong ka dorbar jong ka US, ka Nancy Pelosi, ka don ha katei ka Ri.