Kyrkait lamwir ka Congress ha Parliament, ong u Rijiju

Shillong 21 Nailar:
U Mynti khynnah ka tnad kam pohiing ka ri u Kiren Rijiju, mynta ka sngi Thohdieng u la ther ia ka Congress ba ka shukyrkait lamwir ban pynthut ia ka jingtreikam ka dorbar parliament haka dorbar ba dang shu kut shen khlem da tip ia ka jingshisha.
“Ka Congress bad ka Communist party ka la kyrkait ban pynthut ia kajingtreikam ka dorbar parliament khlem da lap ia ka jingshisha ia ka jingkynnoh jongki bad kane  ka jingleh jongki ka la long ka jingknieh syndet ia ka hok jong ki 480 ngut ki MP hapoh parliament nalor ka pyn thut ia ka roi ka par jong ka ri”, la kynnoh u Rijiju haba krenmynta ka sngi sha ki lad pathai khubor ha Shillong.
“Ka Congress ka don tang  44 ngut ki MP, ka Communist  ka don 9 ngutki MP ha  Lok Sabha ki la pynthut ia ka jingtreikam ka  Parliament badkane ka dei ka jingpynkhein ia ka hok jong kiba bun”, la ong u Rijiju.
U Rijiju u la wan ha ka nongbah ban iadon bynta ha ka jingplie ia kaCooperative Submit halor ka roi ka par jong kane ka Dong Mihngi kabalong ha Shillong.
“La bthah ia ngi da ka sorkar NDA bad u Myntri rangbahduh ka ri banleit iathuh sha ki paidbah ka ri bad ka jylla Meghalaya ia kane kajingleh jong ka Congress ban pynthut bad khang lad ia ka roi ka parjong ka ri”, la ong u Rijiju.
U Myntri Rangbahduh ka ri u Narendra Modi u la bthah ia baroh ki MP bakin leit iathuh ia ka jingshisha sha ki paidbah ka ri halor ka jingmutba sniew jong ka Congress ban pynwit ia ka jingiaid bad ka jingtreikamka parliament bad ban pynthut ia ka roi ka par, la ong u myntrikhynnah tnad kam pohiing ka ri.
U la ong ba ka sorkar NDA ka la bthah ban leit sha man ki jylla basynshar ka Congress ban iathuh ia kane ka jingshisha halor ka jinglehbym dei ka Congress kynthup ha kane ka jylla Meghalaya ba la synsharka Congress.
Kat kum ka jingong u Rijiju ka ri ka la pynsyrwa kai ia ka pisapaidbah ban pynlong ia ka dorbar namar ka jingpynthut ka Congress badda ki klur la shu sep ei bad ka dei ka kamram jong ka sorkar ban leitiathuh ia ki paidbah ka ri ia kane ka jingleh phlan duman ka Congress.
U la ong ba ki mat ba kongsan kum ka  GST, Land Compensation Act,bad kiwei ki ain kiba ka parliament ka donkam ban pyndep ki la sahkutnamar ka jingpynthut hapoh ka iing dorbar.
“Phi lah ban mut dut haduh katno ka ktah ia ka roi ka par jong kari. Ka roi ka par jong ka ri ka kiew sha ka 8 per cent hynrei kajingpynthut ka la wanrah ia ka jingeh ban pyniaid shaphrang ia ki prokram pynroi” u la ong bad bynrap, “ngi kwah ban iathuh sha kipaidbah ka ri bad ka jylla Meghalaya ba kam dei  ka jingbakla jong kasorkar hynrei ka dei ka jingpynthut ka Congress bad ka Communist partyda ka jingmut sniew “, la ong u Rijiju.
Ka jingpynthut ka Congress bad ka Communist party ban dawa hiarshuki ia ka myntri ka tnad bar ri ka Shushma Swaraj ka dei kaba khlemnongrim eiei bad khlem kano kano ka jingshisha.
“Ka BJP mynshwa ka pyrshah ha parliament ia ki kam ka sorkar baialam ka Congress  hadien ba la lap ia ki myntri bad ki kam bamsap daki tnad ba la thung ka sorkar hynrei ka Congress ha kane ka kyntikhlem pat tip ia ka dang ka duh, ki la shu pynthut ia ka parliament”,u la ther u Rijiju.
“Hapoh kine ki 15 bnai, ym pat don uwei ruh u myntri ka sorkar NDAba don kti bamsap. Ngi la pyniaid ia ka sorkar da ka jingkhuid bad kajingtreikam kaba sted hapoh ka jingialam u Myntri Rangbahduh ka riNarendra Modiji,”  u la ong.
Ka jingkynnoh ka Congress ka long kaba khlem nongrim bad khlem kajingshisha ha kaba ka myntri tnad bar ri ka la dep pynshai lut halorka jingkynnoh jongki bad namarkata, ki paidbah ka ri kim dei ban shahialam bakla. Ka myntri tnad bar ri kam don eiei ka kam bamsap bad kadei ka jingkynnoh lamler ka Congress, u la ong.
U la  ong ba ka sorkar UPA bad ka NDA ka iapher bah bak ly bak. “KaCongress party ka la kynnoh ba ka BJP ka pynthut ia ka parliamentmynshwa hynrei ka jingshisha ka long ba ka BJP ka pynthut ban dawapynshitom ia ki myntri bamsap hadien ba la lap da ka tnad tohkitbapher bapher ha ka ri hynrei ka Congress pat ka shu kynnoh khlem lapia ka jingshisha”, u la ong.
“Kito ki myntri ka sorkar UPA kiba risain ki dei kiba la shahpynngat  mukotduma namar ki kam bamsap jongki”, u la ong. U la bynrap shuh shuh da kaba ong,  “ka jingkyrkait ka Congressshaphang u Lalit Modi uba la pynbna kum u nongphet rieh da kaCongress, la shem da ka BJP ba um dei u nongphet rieh hynrei mynta kaBJP ka pyntrei da ka ain pyrshah ia u. Ka tnad Enforcement Directorate(ED)  ka la ujor da ka jingpynngat mukotduma ia u bad ka jingpynshitomkan sdang mynta.  Ha ka por ka sorkar UPA,  ka passport u LalitModi  la bthah ban aiti ha u da ka High Court ka Delhi kaba mut ba kaUPA ba synshar ka Congress kam shym la shim ia ki lad ki lynti shwaban pynbna ia u kum u nongphet rieh”.
“Halor kane, kam don jingmut ban iarap ia u nongphet rieh bad kaweika mat ba ka Swaraj ka la rah ka long ba ka kyrpad ka long ban iarapia ka lok jongu Lalit Modi kaba dang shah sumar ha Portugal. Kane kam mut ba iarap ia u Lalit Modi,” la ong u Rijiju.