Leit her 21 tylli ki liengsuin jong ka China, sha ka haw haw jong ka Taiwan

Taipei: Palat 20 tylli ki liengsuin iapom jong ka China, ki leit her sha ka haw haw, kaba hap ha u pud u sam jong ka Taiwan, ong ka khubor jong ka sorkar jong katei ka Ri, na Taipei. Katei ka dei ha ka sngi, ba ka Nancy Pelosi, kaba dei ka lamphang jong ka iing dorbar jong ka US, ka leit jngoh ia katei ka Ri, ha kaba ka China, ka kam, ba ka dei ka ri kaba hap ha u pud u sam jongka.

Ka tnat iada ri jong ka Taiwan, ka kam, ba ki don 21 tylli ki liengsuin iapom jong ka China, ki la rung ha ki haw haw jong ka Taiwan, ha ka 2tarik Nailar 2022.

Ka Pelosi, ka leit hiar khyndew ha Taiwan, mynta ka sngi, hapdeng ka jing maham bad ka jing pyrshah kaba jur jong ka China.