Iatyngkhuh kali ha Nar-ang, khlad 1 mynsaw 2

Nongpoh: Mynta ka janmiet ha ka por 2 baje ei ei, ka la don kawei ka jingjia iatyngkhuh ha surokbah NH-6 bad kaba hap ha ki bynta ka shnong Nar-ang bad ha katei ka jingjia, uwei u samla u la khlad u la duh noh iala ka jong ka jingim bad arngut ki paralok jong u, ki la mynsaw jur.

Katei ka jingjia, ka la jia hadien ba katei ka Auto Rickshaw kaba don ia u number ML-B-3474, ka la iaid na ka liang bym dei (wrong side), ha kaba ka la shah tynrah ha katei kaFord Endeavour kaba don ia u number ML-10-C-5786, kaba don ha ka lynti ban kiew sha Shillong.

Ia kitei kiba shong ha katei ka Auto bad kiba la mynsaw jur na katei ka jingjia aksiden, la pynkit noh mar mar sha Civil Hospital Nongpoh, halor katei ka jingjia ki pulit ka Nongpoh Police Traffic, ki la leit mar mar sha katei ka jaka bad ban pynlong ia ka jingtohkit.