Babu Kular Khongjirem
Hato,donkam ne em ia ka kyrdan pule bad ka competative Exam na ka bynta ka kam nongmihkhmat paidbah kum ka kam MLA/MDC?.Kane ka dei ka jingkylli na ki paidbah babun balang mynta.Kumno,kat ka kyrdan nongsynshar ia ki paidbah ba bun ym donkam satia ban pass ia ka kyrdan pule hynrei shu ioh kam heh beit khlem khreh kot ne leit pule ne khlem donkam ban ialeh ia kano kano ka competitive exam?
Ha ki por mynshwa,ki nongthep vote kim ju don EPIC ne dur vote satia hynrei tang na ka kyrteng Electoral Roll lah biang.Dei u T N Sechan,u Chief Election Commissioner ka ri India ha kito ki por uba la wanrah ia ka EPIC bad kane ka dang treikam haduh mynta.Mynshwa, ki leh ne nion ha ki kot thep vote ne ballot paper hynrei hadien pat ki sa wanrah noh da ki kor ne machine thep vote ne EVM.Ka Election Commission of India ka la wanrah ki jingpynkylla thymmai katkum ka jingiaid bad tyllun jong ka por.Ym slem shuh ba ki paidbah kin shu thep vote noh na ki mobile phone jongki ban lait ka bunkam,ka por ka bor ha ka jaka ba kin leit thep vote sha ki polling station jongki ha ka sngi thep vote.Kane kan pyllait ruh na ki jinglut jingsep ba bunjait bad ki jingsuk jingaram ha ki liang baroh naduh ka tnat Election jong ka state bad ka Election Commission of India ruh kumjuh.
Baroh ki kam jong ka sorkar ki donkam beit ia ki kyrdan pule bad jingtbit bapher bapher ha ki lain bapher bapher.Ki dei ruh ban pyllut da ki snem bad pyllut spah(invest) ruh da ki lak tang ban ioh ia ka kyrdan pule ban long kiba tbit ha ki lain bapher bapher.Ban long barikor ne engineer,dei ban pass ia ka kyrdan BE,B.Tech, etc.Ban long nongsumar ruh donkam ban pass Doctor shwa.Ban ioh hikai skul ruh donkam ban pass D.ELEd ne B.Ed,M.Ed,etc lym kumta ym shah wat tang ban applai kam hikai ruh.Ban shna jingshna ne ban suh ban thain ruh khlem pass training kim iohkam satia.Baroh ki jait kam ki donkam beit ia ka jingpule ne training bapher bapher.Hynrei,dei pynban tang ka kam MP/MLA/MDC ki bym donkam jingpule ne training shuh hynrei lada phi nang duna ka kyrdan pule ruh, kin jop suk beit thik thik lada dei kiba bun ka eit ksuid/thlen(pisa).
Ka Election Commission of India ka la dei ban pyrkhat thymmai noh halor ki kyndon ban long MLA/MDC.Ka dei ban buh noh da ka kyrdan pule ia kito ki kwah ban ialeh MP/MLA/MDC.Ym tang katta,Ka Election Commission of India ka dei ban pyniaid(conduct) ruh ia ki kynja Competitive Exam bad ki Interview kumba leh ia ki nong applai kam ha UPSC ne MPSC ne DSC.Dei tang kito kiba la pass ne ioh seriphikiet na ka Election Commission of India kumba leh ne conduct ka UPSC ia ki kyrdan IAS ne ka MPSC ia kiba pass MCS ki lah ban applai ia ka kam MP/MLA/MDC.Ha kane ka juk stad mynta,kiba lah ban applai ne ialeh ia ki Competitive Exam ia ki kam MP/MLA/MDC kim dei satia ban duna ia ka klass XII ne Degree shaneng.
Lada jia ba ka Election Commission of India kan pyntreikam da kum kine ki kyndon,ka iew luri-lura politics kan kham thanda shibun namar kiban rung ha ing Dorbar thaw Ain kidei tang kito kiba la pass shisha ia ka Competetive Exam kumba long ki IAS/MCS bad kidei hok shisha ban long ki nongsynshar ia ki kam paidbah bad ka tulop kaba heh kam pher.Kum kine kin long shisha ki nongsynshar kiban kham tbit ne kham shemphang ia ka kam synshar khadar ha ka state ne ka ri hi baroh kawei.
Donkam ki briew shemphang shisha ban pynurlong iakane ka kam synshar khadar ban ioh noh da ki briew ba dei hok shisha bad ba don kyrdan jingpule bad ba tbit. ngi kwah ia ka Jing kylla haka kam nongsynshar.
Ka dei kum ba phi pyn paw
Nga sngew mynjur ia kane 👍🤝😘
Hood nga kyrshan iakane ka jingong
Biang bn Ailad ia ki ba under matric ruh ban ioh lad mangi ruh ioh long heh ei khlem leit school
Ha kane ka juk shai bad ka juk jong ka jingstad ha kano kano ka kam la iaidlang ryngkat bad ka jingstad wat u nongrep ruh u donkam ia ka hynrei pat kat ia ki nongmihkhmat ne representative jong ngi sha District council, Assembly ne parliament haba kim dei kita kiba la pyndep ia ka degree ne master kumno kein kin lah ban synshar ia ki paitbah kumno kein kin lah ban wanrah ia ka roi ka par.Nga te nga ai jingmut kumne ba kala dei ka por ba ka Election commission jong ka Ri ne Jylla kala dei ban pyrkhat thymmai ia ka kam Nongmihkhmat ban buh da ka kyrdan (qualifications), Degree,Master etc ym shuh da ki illiterate representative khnang ban kyntiew ia ka roi ka par ka shong suk shong sain ha ka Jylla ne ka Ri
Donbok kan poi noh ha tyndong shkor jong ka election commission Ri India.