La sngi hat majai, da ka jingpynbna thymmai ka MUDA rKa jingiakren kaba seisoh: Ardent

Shillong, 21 Nailar:  Ka sorkar jylla kan sa pynmih biang ia kajingpynbna ba thymmai ha ka sngi Hatmajai halor ka Bye Laws jong ka Meghalaya Urban Development Authority (MU DA) bad ia kane la  iathuh dau Bah Ardent M Basaiawmoit hadien ba la iakynduh bad u Myntri Rangbahka jylla u Dr Mukul Sangma mynta ka sngi Thohdieng.  U Bah Ardent uba la ialam ia ka kynhun ba kynthup ia u MDC kaNongthymmai Bah Latiplang Kharkongor, Kong Teilinia Thangkhiew, u BahPyniaid Sing Syiem bad kiwei ki riew rangbah, u la ong ba katkum kajingong ka sorkar, “Ka Sngi Hatmajai kan dei ka sngi Babha”. “Ngin ap haduh ka sngi Hatmajai ba ka sorkar kan pynmih ia kajingpynbna ba thymmai halor ka jingtreikam ka MUDA bad ngi khmih lyntiba ka sorkar kan leh ia kaei kaba ngi kwah bad lada kam long kumbakwah u paidbah, ngin sa pyrshah beit”, la ong u Bah Ardent bad bynrap,shisien ba la pynmih ia ka jingpynbna ba thymmai, kaba rim kan iapnoh. U la ong, “Ia mynta, ka jingialang ka long ka seisoh ha kaba la iohban iakren shibun kiei kiei kiba ki paidbah ki donkam ha kaba iadeibad ka MUDA”. U la ong ba um shym la pyrshah ia ka MUDA  namar ba ka dei tang kakynja met kaba ka sorkar ka lah ban pynduh noh lada kam sngew donkamshuh. “Ngi kwah ban pynshai ba ngim pyrshah ia ka MUDA hynrei kam mutpat ba ngin ong ba ngi khot sngewbha sha nongkyndong”, la ong u BahArdent bad ong ruh, “Ki kyndon sha jaka sor bad jaka nongkyndong kim dei ban long kajuh ha kaba iadei bad ka jingshna iing shna sem”. U la ong ha ka jingiakynduh, la pynsngew hakhmat u Myntri Rangbah baka sorkar ka dei ban pynthikna bha ia u pud u sam jong ki jaka sor badki jaka nongkyndong namar ba kumba ka long mynta, kam long kaba shai.“Don ki jaka ki bym hap ha jaka sor bad don ki jaka bym kheinnongkyndong bad ki duh skhim pynroi namar kane ka daw”, u la ong. Lah ban kdew ba ka sorkar ka la khot iakren ia ka kynhun  jong u BahArdent hadien ba u la mih paidbah ban pyrshah ia ka jingpynmihjingpynbna ka MUDA ha ka rukom shna iing shabar ka jaka Municipal kabala buh jingeh ia ki paidbah ha kaba kim lah ban ioh um na ka PHE, banioh ding na MeCEL khlem ioh ia ka syrnod na ka MUDA. Hynrei na ka liang ki Rangbah Shnong hapoh ka lama ka Synjuk KiRangbah Shnong (SKRS) na sor bad khapsor, ki MDC kum u Bah SanborShullai kim sngew iahap ia ka jingpdiang jong u Bah Ardent ia kajingwan skud jaka ka MUDA shabar ka Municipal.