U Jeremy, na Mizoram, u ioh rah ia ka takma ksiar, ha ka jingrah jingkhia ha CWG

U Jeremy Lalrinnunga, u samla, uba 19 snem ka rta, na Mizoram; ula ioh ia ka nam lahduh lane ka takma ksiar, ha ka jing iakhun ban rah jingkhia, ha Birmingham, mynta ka sngi, ka 31tarik Naitung 2022.

U Jeremy, u ioh ia ka takma ksiar, ha ka jing ia rah jingkhia kaba 67 kilo jong ki shynrang, ha ka Commonwealth Games 2022. Ha ka jingmih iakhun jongu, ha ka sien nyngkong, U Jeremy, u ioh ia ka jingkhein kaba nyngkong eh, jong ka Commonwealth Games record kaba 300kilo na baroh (140kg snatch and 160kg in clean and jerk).

Kane ka dei ka sien kaba ar, ba ka India, kan ioh rah ia ka takma ksiar ia ka India, ha ka CWG, hadien ba ka Mirabai Chanu, ka ioh rah ia ka nam lahduh, ha ka jingrah jingkhia, kaba 49 kilo ha ka Sngi Saitjain.