Sha Supreme Court, ujor ki trai mawshun

Shillong, 21 Nailar:  Ka Joint Action Committee ( JAC) jong ki nongkhaii bad trai paw mawshun, ki trai khyndew na baroh kylleng ka ri Khasi Jaintia kaba la tip kum ka Land Owners and Miners Association ha ka jingialang jong ka kaba la long mynta ka sngi ki la shim ia ka rai ban thoh da ka Affidavit sha ka Supreme Court ba kan pynsangeh shuwa shipor ia ka hukum ka high Court kaba la pynmih ha ka 30 tarik u jylliew  kaba la khang ban tih maw tih shyiap ha kane ka jylla. Katei ka jingialang ka la rai ban thoh Affidavit sha ka Supreme Court ba kan pynsangeh shuwa shipor tad haduh ba ka sorkar kan lah ban thaw bad pynmih ia ki ain khlong mar poh khyndew jong ka. Ha katei ka jingialang la jied ruh ia ki nongkitkam katei ka kynhun ki trai khyndew bad ki nongtih mawshun ha kaba ia ka kam President la jied ia u bah Riban Lyngdoh na Pynursla, General Secretary u bah Jropsing Nongkhlaw na Mawlong –Majai , Treasurer u bah joining Dkhar. Nalor baroh ki nongkitkam katei ka kynhun ka don 18 ngut ki Executive Member  ryngkat kiwei pat ki dkhot na kylleng ka ri khasi Jaintia.