Nongstoin: Ki pulit ka tnad Anti Narcotic Task Force (ANTF) jong ka West Khasi Hills District, mynta ka step phyrngap jong ka 28-07-2022, ha ka por kumba 1.30 mynstep, ki la pynlong ïa ka jingap ktem ha kawei na ki jaka, kata hadien ba la ioh jingtip ïa ka jingdon jong ki briew kiba thmu ban pynpoi ïa u drok heroin hapoh thain Nongstoin bad ha kane ka jingap ktem, ki pulit ki la ioh ban kem noh 3 ngut ki briew ryngkat 10 gram u drok heroin ïa kaba ki la thmu ban pyniaid iew hapoh kane ka thain.
Kitei ki lai ngut ki nongkhaii drok ki kynthup ia u Bankerlang L Paliar, Bitdor Byrsat bad u Albinus Mawlieh, bad baroh lai ngut kidei kiba na ka shnong Upper New Nongstoin.
Katkum ka jingiathuh jong ki pulit la ong ba utei u drok heroin uba la ioh ban kurup u shongdor kumba T. 30,000/- (Laiphew Hajar). Nalorkata, ki pulit ki la kurup ruh ïa kawei ka kali Maruti Alto bad lai tylli ki mobile phone ba la pyndonkam da kitei ki nongkhaïi drok.
Ïa kitei ki lai ngut ki briew la kem bad rah noh sha thanad bad la pynngat ruh ïa ki katkum ki kyndon jong ka NDPS Act.
Ki pulit ki dang bteng ban pynlong ïa ka jingtohkit ban lapdien sa ïa kiwei pat kiba ju donkti ban leh ïa kiba kum kitei ki kam beaiñ.
Phi don ban ong eiei?