Nongpoh: Ki nongialam ka Synjuk ki Rangbah Shnong ka Nongkhrah Nonglyngdoh, ki la pynpaw ia ka jingbitar kaba jur eh halor ka jingbym pyndep ka sorkar ia ka Polytechnic kaba la tei ha shnong Nongkhrah, namar kumba ka long mynta katei ka jaka pule, ka la shu ieh noh tang shiteng por, wat haba la sdang ia ka naduh u snem 2018.
Kumta haba pynpaw ia ka jingpyrshah halor katei ka kam sahteng jong ka sorkar, ki nongialam jong katei ka Synjuk, ki la byrthen ban knieh noh biang ia katei ka jaka, ba la tei ia katei ka Polytechnic, namar ia katei ka jaka, ka dei kaba ki la shu ai sngewbha sha ka sorkar, khlem da siew pisa wat tang khyndiat.
Ki nongialam katei ka Synjuk, kiba kynthup ia u Bah LS Pamshnong, Chairman, u Bah Cyril Maring Secretary, Bah Sensi Lyngdoh, Lyngdoh ka Raid Nonglyngdoh lem bad kiwei, haba kren sha ki lad pathai khubor, ki la pynpaw ba ki la bitar eh halor ka jingbym pyndep ka sorkar ia katei ka Polytechnic, namar ka jingangnud jong ki, ka long ban myntoi ki samla thain bad ia ki samla hapoh ka Distrik hi baroh kawei.
“Ngi da sngewsih eh haba ngi iohi ba ia katei ka jingtei, la shu hap ban ieh tang shiteng por bad kumba ka long mynta leit, ka la kylla long kum ka ktem ki riew runar bad ka jaka jong ki nongleh kam sniew, kaba la pynkylla khongpong bad kaei kaba ngi mutdur ha kaba sdang” pynpaw kitei ki nongialam ka Synjuk. Na ka jingiathuh jong kitei ki nongialam katei ka Synjuk, ki la ong ba ki la ioh ban iakren bad u Kontraktor, ha kaba katkum ka jingiathuh u Kontraktor, la ong ba ka daw jong katei ka jingsahteng katei ka Building, ka dei namar ka bymdon pisa ka sorkar.
shim bad aiti noh sha ki missionary bn pyniaid iaka ne ka jaka pule na ka bynta jingmyntoi ka thain