Ba iashoh ki samla ha surok bah, hiar tohkit ki pulit

Shillong: Hynnin ka sngi, ki pulit, ki la ioh jingtip, ba ka don ka jing iashoh ki samla shynrang bad mar ia ioh ia katei ka khubor, ki pulit na Sadar PS, ki la leit sha katei ka jaka iashoh, hynrei, la iathuh ba kitei ki samla, ki la phet krad noh, na katei ka jaka.

Kam shym la don satia kano kano ka jing ujor ha kano kano ka thanat, halor kane ka kam bad ka jing pahara, ka dang long skhem bha bad ka jingwad jingtip ruh ka dang iaid, ong ka khubor pulit.

Ha katei ka khubor, ki pulit kim shym la iathuh satia ia ka jaka, hynrei, ki don ki lad pathai khubor, kiba kam, ba katei ka jing iashoh, ka dei ha ka surok bah na Khyndailad sha Polo bad la iathuh ba katei ka video, ka dei kaba la ring hynnin ka sngi U Blei bad la iohi, ba ka jing iashoh, ka dei ha surok bah, ha kaba ki don bun phew ngut, kiba don bynta ha katei ka kam, kaba la jia ha ka por ba dang shai bha ka sngi.